EMAAR-ის 6 მილიარდიანი ინვესტიცია საქართველოში — ისტორიული ეტაპი ქვეყნის ეკონომიკისთვის.

საქართველოს ეკონომიკური განვითარება ახალ, გარდამტეხ ეტაპზე გადადის. მსოფლიოს ერთ-ერთი წამყვანი დეველოპერული და ჰოსპიტალიტის კომპანია — EMAAR Properties, რომელიც წარმატებით ახორციელებს მასშტაბურ პროექტებს დუბაიში, აბუ დაბიში, კაიროში, ლონდონსა და სხვა გლობალურ ლოკაციებში, ოფიციალურად შედის საქართველოს უძრავი ქონების ბაზარზე.

მთლიან ინვესტიციას, რომელიც თბილისსა და ბათუმში განხორციელდება, ექვსი მილიარდი აშშ დოლარის მოცულობა აქვს, რაც წარმოადგენს ყველაზე დიდ უცხოურ პირდაპირ ინვესტიციას (FDI) საქართველოს ისტორიაში.

რა მნიშვნელობა აქვს ამ ნაბიჯს საქართველოსთვის?

გლობალური აღიარება

EMAAR-ის მიერ საქართველოს ბაზრის არჩევა ხაზგასმით მიუთითებს ქვეყნის მზარდ საინვესტიციო მიმზიდველობაზე. ეს გადაწყვეტილება აძლიერებს საქართველოს პოზიციებს როგორც საიმედო და სტრატეგიული ლოკაცია საერთაშორისო კაპიტალისთვის.

ურბანული ტრანსფორმაცია

დაგეგმილი პროექტები გულისხმობს თანამედროვე არქიტექტურით გამორჩეული მრავალფუნქციური კომპლექსების განვითარებას თბილისში და ბათუმში. ეს მოიცავს როგორც საცხოვრებელ, ისე ბიზნეს და საზოგადოებრივ ინფრასტრუქტურას, რაც არსებითად შეცვლის ქალაქების იერსახეს და დააწესებს ახალ სტანდარტებს.

ტურიზმის ახალი ფაზა

EMAAR-ის მასშტაბი ჰოსპიტალიტის სფეროში გულისხმობს საერთაშორისო დონის სასტუმროების და ტურისტული ინფრასტრუქტურის შემოსვლას, რაც გაზრდის პრემიუმ სეგმენტში მოგზაურობის ნაკადს და მნიშვნელოვნად გააძლიერებს ადგილობრივ ეკონომიკას.

საინვესტიციო ნდობის გაძლიერება

ეს მოცულობითი ინვესტიცია უგზავნის ძლიერ სიგნალს სხვა გლობალურ ინვესტორებს, რომ საქართველო წარმოადგენს სტაბილურ და გრძელვადიან შესაძლებლობას. იზრდება ნდობა ქვეყნის ეკონომიკისადმი, რაც თავის მხრივ დადებითად აისახება სხვა სექტორებზე, მათ შორის ფინანსებზე, დასაქმებაზე და ექსპორტზე.

EMAAR-ის შემოსვლა არ წარმოადგენს მხოლოდ ერთჯერად პროექტს. ეს არის გრძელვადიანი თანამშრომლობის დაწყება, რომელიც ქვეყანას პოზიციონირებს როგორც რეგიონულ ჰაბად და საერთაშორისო ბიზნესის განვითარების პლატფორმად, როგორც EMAAR-ის წარმომადგენლები აღნიშნავენ, საქართველო ერთ-ერთი ყველაზე პერსპექტიული ბაზარია რეგიონში, და მათთვის ეს მხოლოდ დასაწყისია.